جالى قاللي
.................
قلت ايه للبحر قولّى
أصل هو جه وقالّى
ع الكلام اللى انت قولته
قاللي شافك وانت شوفته
بس قاللي قبل مانسى
كان حزين وانا قولت حسة
بس فاضل برضه لسه
كلمتين واتخبوا عني
إنت قوللي
كونت ساكت غير عوايدك
ليه تداري حاجات بعندك
مانت عارف ان منك
شمس بكرة تكون تملي
ياللا قوللي
برضه ساكت .. عادي إسكت
دا ف سكوتك أحلى كلمة
وف عيونك .. مهما تعند
الحروف م النني باينة
كل م المح حرف اجري
احضن الحرف اللي بعده
حرف حرف لحد فجري
والنهار يحضنى بعده
يعني كل كلمة منك
برضه جاتلي
يبقى اسكت عادي جدا
أصل قلبك.. جالي قاللي
ريحاب
ليست هناك تعليقات:
إرسال تعليق